Македонскиот ракометен првак Пелистер веќе ги загуби шансите за пласман во нокаут-фазата од Лигата на шампионите, но дуелот со ПСЖ дефинитивно носи огромна возбуда за битолската публика. Атмосферата во „Боро Чурлевски“ секогаш е спектакуларна, а со распродадени билети сигурно ќе биде уште пожешко, без разлика на резултатската важност.
РК Пелистер објави дека сите билети за мечот кој ќе се одигра в четврток, со почеток во 20.45 часот во салата „Боро Чурлевски“ се распродадени, што значи дека ракометарите ќе имаат френетична поддршка.
Дополнителна интересна нота е што Раул Гонзалес, кој ја донесе славата на Вардар во ЛШ, повторно ќе се најде пред македонската публика, но овојпат на спротивната страна. Тоа сигурно ќе предизвика многу емоции кај љубителите на ракометот.
