Луис Суарес „украде“ еден мал дел од шоуто на Лионел Меси на мечот против Бетис. Уругваецот постигна еден гол во убедливата победа од 4-1 и тој беше навистина одличен. Со тој гол, Суарес се израмни со неговиот сонародник Диего Форлан и сега двајцата се најдобри стрелци Уругвајци во Примера дивисион, со по 128 погодоци.
Суарес прифати една топка на 30-тина метри од голот на Бетис и во полн трк успеа да помине тројца противнички играчи, кои во обидот да го сопрат дури и паднаа на тревата, но не успеаја во намерата. На крајот Уругваецот без проблем ја затресе мрежата на домашниот голман.
https://twitter.com/i/status/1107549718278799360
Сепак, подоцна во текот на мечот, Суарес заработи повреда на зглобот на десната нога, а денеска треба да оди на дополнителни прегледи и да се види дали се работи за нешто сериозно и дали можеби ќе треба да паузира подолг период. Во Барселона се плашат да не го изгубат голгетерот за дуелот против Манчестер јунајтед во четвртфиналето од Лигата на шампионите. Тој меч се игра на 10 април.
