Конор Мекгрегор преку својот твитер-профил утринава истакна дека се повлекува од борбите во мешани боречки вештини. Ирецот и во 2016 година се пензионираше од борбите поради неисполнувања на одредени критериуми од УФЦ-организацијата, а воедно и се подготвуваше за егзибицискиот спектакл против Флојд Мејведер (ревијалниот бокс-меч кој се одржа во Лас Вегас во 2017 година).
Иако се чини дека овојпат одлуката е конечна, Мекгрегор вчера беше гостин во едно американско шоу и истакна дека преговарал со организаторите на УФЦ за враќање во октагонот во јули. Сепак, тој додаде дека од финансиска гледна точка нема потреба повеќе да се бори.
Hey guys quick announcement, I’ve decided to retire from the sport formally known as “Mixed Martial Art” today.
I wish all my old colleagues well going forward in competition.
I now join my former partners on this venture, already in retirement.
Proper Pina Coladas on me fellas!— Conor McGregor (@TheNotoriousMMA) March 26, 2019
Мекгрегор кариерата ја завршува со пораз од Хабиб Нурмагомедов на УФЦ 229, а најверојатно нема да дочека реванш. Сите се сеќаваат на борбата протв Русинот која се одржа во октомври минатата година. Ирецот сè уште ја отслужува суспензијата која ја доби како казна за немилите сцени кои ги предизвика по самата борба со Нурмагомедов.
За пензијата се огласи и првиот човек на УФЦ, Дејна Вајт, кој посочи дека повлекувањето од борбите ќе му овозможи на Мекгрегор да се фокусира на сопствениот бизнис.
Statement from Dana White (@danawhite) on Conor McGregor’s retirement announcement moments ago, via text. pic.twitter.com/MNPnYypKPn
— Brett Okamoto (@bokamotoESPN) March 26, 2019
