Атлетико Мадрид за првпат во официјален меч ја победи Жирона, вечерва со 2-0, и остана на втората позиција во Ла Лига зад лидерот Барселона.
Диего Годин погоди во 76-тата минута, а првата победа во шестиот меѓусебен дуел ја запечати Гриезман со погодок во последните моменти.
Досега двете екипи играа петпати и сите мечеви завршија нерешено. Вечерва популарните „јорганџии“ ја прекинаа традицијата и се доближија на 7 бодови до лидерот Барселона.
Жирона со вториот пораз по ред дојде блиску до опасната зона за испаѓање и има само 6 бода повеќе од Селта.