Валенсија со 2-1 запиша триумф против Реал Мадрид во дербито од 30-тото коло во Ла Лига. Ова е прво разочарување за Кралевите откако на клупата се врати Зинедин Зидан и на тој начин „лилјаците“ го прекинаа перфектниот учинок на францускиот стратег од две последователни победи.
Гуедеш ја крена на нозе цела „Месталја“ со својот втор овосезонски погодок кој го постигна во 35-тата минута, а домаќините за конечните 2-0 погодија повторно од прекин. Поранешниот дефанзивец на Кралевите“, Езекиел Гарај, во 83-тата минута го совлада Навас. Во последните моменти од мечот, Бензема ја продолжи голгетерската серија и ги постави конечните 2-1.
Валенсија воедно успеа да му се реваншира на Реал за претрпениот пораз со 2-0 на „Сантијаго Бернабеу“, меч кој се одигра во рамките од 14-тото коло во Ла Лига.
„Лилјаците“ со 10-тиот овосезонски триумф избија на петтото место со 46 бода, само еден бод ги дели од местото кое води во Лигата на шампионите, додека Реал останува на третата позиција со 57 бода.
https://www.dailymotion.com/video/x758bht
https://www.dailymotion.com/video/x758e7g
