Еден од најдобрите тренери во историјата на НБА-лигата, Грег Попович, по вторпат оваа недела е исклучен. Утрово Попович издржа само една минута и три секунди од почетокот на мечот, кога судијата му го покажа патот кон соблекувалната.
На дуелот против Денвер, Попович побара тајмаут само по 1:03 минути поминати од првата четвртина, кога противникот имаше предност од 5:0. Додека траеше одморот за играчите, тренерот на Сан Антонио влезе во конфликт со еден од судиите. Најпрво доби техничка грешка, а потоа беше и исклучен.
Сан Антонио убедливо го загуби мечот со 113:85, но тимот сепак ќе биде дел од плејофот, откако го обезбеди најмалку осмото место на Западот.
Coach Pop get's ejected just one minute three seconds into the #Spurs Vs #Nuggets game. This now makes the second time in three games that Coach Pop get's ejected. #GoSpursGo pic.twitter.com/NCK6FtTQtt
— Joe Garcia (@twoshotspodcast) April 4, 2019
