Турчинот Умит Каран е претставен пред медиумите како нов тренер на Шкупи. Дебито на клупата на Шкупи, 42-годишниот Каран ќе го има задутре, против Работнички.
Станува збор за екснапаѓач кој има постигнато 72 гола за осум сезони во Галатасарај, а најлегендарен му е погодокот против Маниса. Тој спектакуларен погодок со волеј предизвика воодушевување кај сите, особено кај голманот Фарид Мондрагон, кој се држеше за глава. Голот малку потсетува на оној на Марко ван Бастен од финалето на ЕП 1988, па затоа Умит доби прекар турски Ван Бастен.
Умит Каран е роден во Берлин, а ова му е прва тренерска работа во кариерата. Тој е познат во својата земја и по учеството во реалното шоу „Survivor“.
