Барселона и Јувентус се чекор поблиску до пласман во полуфиналето на Лигата на шампионите и чекор поблиску до меѓусебна пресметка во евентуално финале помеѓу Лионел Меси и Кристијано Роналдо. Меси вечерва не даде гол, а Роналдо даде.
Манчестер јунајтед сезонава во Лигата на шампионите на својот „Олд Трафорд“ на пет меча има дадено само еден гол, и тоа беше дело на Маруан Фелаини (против Јан Бојс), кој веќе не е член на „црвените ѓаволи“. Вечерашните 90 минути против Каталонците ги завршија без ниту еден упатен шут во рамките на голот, па нормално и што не извлекоа поволен резултат и ќе им треба чудо како она во Париз против ПСЖ ако сакаат полуфинале.
Барселона очекувано доминираше во поседот на топката и првпат славеше на „Олд Трафорд“ по четири неуспешни обиди. Меси не даде гол, остана на 22 против англиските тимови, но има шанса на реваншот да ја дозапечати судбината на Јунајтед. Ова е автоголот на Шоу, со кого Барса извојува победа. Барселона само на дуели во 1980 и 1984 година била елиминирана по гостинска победа. Во другите 40 случаи, немала проблем.
https://www.dailymotion.com/video/x75ltvc
Јувентус во италијански стил, искусно извлече поволен резултат против Ајакс, кој покажа дека не случајно дојде до четвртфиналето. Кристијано Роналдо со гол на крајот на првото полувреме го донесе Јуве на чекор од пласман понатаму, но Ајакс не смее да биде потценет на реваншот. Јуве одел понатаму во 59 од 61 елиминациски двобои во кои победил или ремизирал на гости.
https://twitter.com/i/status/1116067893744164865
Давид Нерес израмни на стартот на второто полувреме, покажа дека заслужено доби повик во бразилската репрезентација, но Ајакс немаше сили за пресврт. Во финишот, Даглас Коста од Јуве ја погоди стативата, па гостите може да бидат и незадоволни што не победија.
https://twitter.com/i/status/1116071375305834496
