Оваа сезона за Реал Мадрид е лоша, и тоа не го смени ниту поразот на Барселона во полуфиналето на Лигата на шампионите, смета тренерот Зинедин Зидан. Фановите на Реал се израдуваа на дебаклот на каталонците, но популарниот Зизу вели дека тоа нема да ја поправи сликата и впечатокот оти сезонава за Реал е пропадната.
„Тешко е да се освои ЛШ, ние си знаеме како успевавме трипати по ред да го освоиме тоа натпреварување. Неверојатно е да се освои тој трофеј четири пати во пет сезони. Тоа што Барселона не стана европски првак, не значи дека сезоната е добра за Реал. Сите знаеме каква беше сезоната и поразот на Барса од Ливерпул не може да го смени тоа“ – рече Зидан.
Французинот не сакаше да зборува за потенцијалните засилувања, а најави дека утре на гостувањето кај Реал Сосиедад во тимот ќе биде и Карим Бензема кој имаше повреда.
