Арда Туран се најде во центарот на скандал во Турција, откако бил главен виновник за инцидент кој се случил во една дискотека во Истанбул. Некогашниот фудбалер на Барселона, кој има и 100 настапи за турската репрезентација бил пијан и решил да брка туѓи жени.
Туран ја пикирал Сопругата на познатиот турски пејач Беркај Шахин. Откако музичарот ја видел оваа ситуација, се вмешал и ја испратил жена му да излезе надвор од дискотеката. Во тој момент, Туран го нападнал пејачот и со бокс му го скршил носот. Веднаш потоа, откако видел што направил, Туран земал пиштол и заедно со парот заминал во болница. Додека оделе кон болницата, Туран со пиштолот во рака постојано повторувал кон Шахин „Многу ми е жал. Земи го пиштолот и убиј ме. Не знаев дека ти е жена. Јас сум идиот…“
По инцидентот пејачот во четири часот наутро бил однесен во болница, каде го оперирале. Подоцна, жената на Шахин ја објасни целата ситуација.
„Арда ми пријде, ми ја допре раката и ми кажа: „Многу си убава. Ќе ми недостасуваше ако не беше омажена“. Јас тогаш го прашав што му е што се однесува така. Тогаш Беркај најверојатно го слушнал разговорот и ми рече да одам дома, за да може тие двајца да разговараат како мажи. Баркај тогаш се сврте кон Арда, а овој веднаш го удри во главата“, објаснува Ада, жената поради која Туран решил да се тепа.
Тоа што е најлошо во целата ситуација е тоа што Арда има сопруга која е во осмиот месец од бременоста. Таа седела дома, додека нејзиниот маж се тепал во дискотеката за туѓа жена.
„Ја познавам неговата жена. Знам дека е трудна“, потенцираше убавата Ада.
