Барселона на неславен начин ја заврши сезоната, откако каталонците останаа без трофеите во Лигата на шампиони и Купот на Шпанија. Капитенот на Барса, Лионел Меси веќе е заминат во Аргентина, каде се приклучи на националниот тим на подготовките за Копа Америка, која започнува на 14 јуни во Бразил.
Освен за репрезентативните обврски, Меси доби прашање и за Кристијано Роналдо, а Лео зборуваше се најдобро за неговиот најголем ривал.
„Пред почетокот на сезоната реков нешто што многу ги налути мадридистите, а тоа се покажа како точно. Им реков дека многу ќе им фали играч како што е Кристијано Роналдо. Па како може да не се почувствува недостатокот на играч кој дава по 50 голови во сезона? Секако дека заминувањето на Роналдо беше огромна загуба за Реал. Тој недостасува на цела Ла Лига, бидејќи со него, првенството беше посилно. Ми недостасува и мене, бидејќи јас и Барселона против него и Реал Мадрид секоја година моравме да бидеме се подобри и подобри ако сакавме да ги победиме и да ја освоиме титулата. Мислам дека таквиот вид на ривалство беше добро за нас“, рече Меси.
