Ливерпул е новиот европски владетел, а синоќешната победа на „црвените“ ја славеа и во „црвениот“ дел од Рим. Рома е клубот кој ќе биде побогат за 5 милиони евра, благодарение на триумфот на Ливерпул во Лигата на шампиони.
Зошто Рома заработи толку многу пари од победа која нема допирна точка со овој клуб од Серија А? Ливерпул во изминативе години токму од тимот од „Олимпико“ купи двајца сјајни играчи кои имаат голема заслуга за синоќешната победа, од кои поради еден дојде до одличната сума.
Салах на „Енфлид“ пристигна за сума од 42 милиони евра, а дополнителни осум милиони евра беа во бонуси. Од тие осум милиони, пет ги заработи Рома само бидејќи Ливерпул ја освои европската круна.
