Рускиот фудбал го тресе голем скандал, а во центарот на вниманието се актуелниот репрезентативец Андреј Кокорин од Зенит и порашнешниот член на националната селекција Павел Мамаев.
Двајцата се обвинети за физички напад на претставник на руското министерство за Индустрија и Трговија и вербален напад на Олга Ушакова вработена во рускиот „Канал 1“.
Им се заканува затвор во траење од пет години, а можат да избегнат преселба зад решетки, ако платат сума од 23 милиони евра.
Кокорин според рускиот закон ќе плати од 10,5 до 14 милиони евра, а Мамаев ќе мине со глоба од 7,5 до 9 милиони евра за да избегне долга затворска казна.
Интересно е што Кокорин лани играше за Зенит против Вардар во Европа Лигата и во Скопје беше стрелец на два гола во победата од 5:0.
