Душан Тадиќ одлучи да не го менува дресот на Ајакс, иако во последниве неколку месеци се појавија информации дека Милан, Баерн, но и неколку кинески клубови сакаат да го купат во летниот преоден рок. Српскиот репрезентативец имаше договор со Ајакс до 2022 година, а сега таа соработка ја продолжи до 2023 година, со што само потенцираше дека неговото место е на „Амстердам арената“.
Според овој договор, многу лесно може да се случи 30-годишниот Тадиќ всушност и да се пензионира во Ајакс. Минатата сезона офанзивниот играч за врска одигра вкупно 56 средби во сите натпреварувања и имаше неверојатно добар скор од 38 голови и 24 асистенции. Иако не игра како класичен напаѓач, со 28 голови беше најдобар стрелец во домашното првенство и е еден од најзаслужните за освојување на титулите во првенството и Купот на Холандија.
Тадиќ во Ајакс дојде во 2018 година од екипата на Саутхемптон.
