Столе Димитриевски повторно лошо реагираше, по слободниот удар на Георг Газарјан, топката му мина низ раце и влезе во мрежата, а ни се заканува катастрофа, бидејќи Ерменија веќе води со 3-0.
И тоа само благодарение на нашиот голман, кој вечерва очигледно нема свој ден. Најпрво ја испушти топката по ударот на Пицели од далечина, потоа лошо додаде и пак прими гол од Мовсисјан, а и во 81-вата минута направи нова кардинална грешка.
Газарјан упати удар што се бранеше, но резервниот голман на Рајо Валјекано повторно ја испушти топката на гол-линијата и прими нов неверојатен гол.
