Сезонава Црвено-црните ќе бранат четири трофеи: во првенството на Македонија, Суперкупот на Македонија, СЕХА-лигата и во Лигата на шампионите. Нови играчи се Димитар Димитриоски, Павел Атман, Жозе Гиљермо Толедо, Сергеј Горпишин, Артурс Кугис и Домен Сикошек Пелко.
Според направениот план, од денеска до 2 август ќе се тренира во Скопје, каде што ќе бидат извршени и сите потребни прегледи. Потоа се заминува за Требиње (БиХ), каде што Вардарци ќе настапат на турнир на којшто ќе играат и Борац Бања Лука, Леотар, Металопластика, Бутан Изола и Извиѓач. Тој турнир ќе се игра во период од 9 до 11 август.
По враќањето од БиХ, ќе се работи во Скопје сè до заминувањето за Саудиска Арабија на Супер Глоуб. Таму Вардар ќе настапи во периодот од 27 до 31 август. На Супер Глоуб покрај Вардар, ќе играат и: Ал Вехда (С.Арабија), Барселона (актуелен првак на тоа интерконтинентално натпреварување), Заламек (Египет), Сиднеј (Австралија), Таубате (Бразил), Њујорк (САД), Ал Мудхар (С.Арабија) и Кил (Германија).
