Битката за тронот во УФЦ 241 во тешка категорија се чинеше дека ќе му припадне на Даниел Кормиер, кој ќе го добиеше гласот на сите судии, затоа што дури 181 пат го удри Стипе Миочиќ, но Американецот со хрватско потекло издржа сè, па со кроше, директ и со аперкати во четвртата рунда, го нокаутираше противникот.
На ваков начин, Миочиќ кој понекогаш работи како пожарникар, си ја врати титулата која ја држеше и во минатото.
„Доста ми е, сакам да си одам дома“ – објасни Миочиќ што му се вртело во главата на паузата меѓу третата и четвртата рунда.
До синоќа, Кормиер не знаеше за пораз во кралската категорија, но мораше шампионскиот појас да му го предаде на легендата Миочиќ чии сопруга и син на трибините беа облечени во дресови на фудбалската репрезентација на Хрватска. Стипе само четири пати бил во Хрватска, но има тетоважи со шаховницата, горд е на потеклото и планира повторно да оди во земјата на неговите родители.
Ова е клучната серија удари:
GET THE STRAP. Down goes DC! @stipemiocic @Bottlegate pic.twitter.com/BaoH5RlzV7
— Mr. Spaghetti (@ManfrediNick) August 18, 2019
Потоа Стипе прослави со ирски танц, и покажа дека е солиден танцувач:
STIPE EXACTS HIS REVENGE@StipeMiocic #UFC241 pic.twitter.com/FnbZdyPm0A
— ESPN MMA (@espnmma) August 18, 2019
