Макдонската радио-телевизија повторно ги израдува љубителите на спортот откако стигна најава дека во новата сезона ќе се пренесуваат и мечеви од НБА и НХЛ-првенствата. Засега нема информации за тоа колку преноси ќе има од овие две атрактивни лиги во кошарка и хокеј, но според најавата на новинарот Драган Николовски, може да се очекуваат нови спортски возбудувања на МТВ.
МТВ пред неколку дена промовираше дека на националната телевизија ќе има преноси од италијанското и француското фудбалско првенство, како и два преноси од македонската Прва лига во фудбал.
