Полицијата во сојузната држава Алабама издаде налог за апсење на НБА-ѕвездата Демаркус Казинс, и тоа поради закани за убиство.
Казинс пред неколку дена се ожени, а еден ден пред венчавката бараше од неговата поранешна девојка Кристи Вест да му дозволи на нивниот 7-годишен син да присуствува на венчавката. Вест неколку пати категорично ги одбивала барањата на Казинс, па кошаркарот ѝ се заканил: „Тогаш ќе се погрижам да ти ставам куршум во главата“.
Снимки од телефонскиот разговор во кои се слушаат заканите на Казинс се предадени и до полицијата, а поранешната негова девојка потврдила дека може да биде издаден налог за апсење.
DeMarcus Cousins Audio Allegedly Threatening to Shoot Baby Mama Before Wedding pic.twitter.com/4lmucjO0lW
— TMZ Sports (@TMZ_Sports) August 27, 2019
Казинс во летниот период потпиша за Лос Анџелес лејкерс, но поради тешката повреда на вкрстените лигаменти, ќе ја пропушти целата сезона која треба да започне.
