По две сезони одиграни во дресот на Абердин, Бојан Миовски како голема ѕвезда го напушти шкотскиот тим. За Абердин ова е рекорден трансфер од 6,8 милиони фунти, а Миовски во новата сезона ќе игра во шпанската Жирона.
Миовски одигра вкупно 91 меч и даде 44 гола за Абердин, а од шкотскиот клуб тоа навистина го ценат. Со триминутно видео и компилација на головите кои Миовски ги постигна во дресот на Абердин, од шкотскиот клуб му се заблагодарија на Македонецот за сè што направи во изминативе две години.
