Теми Абрахам го постигна деветтиот гол за Рома во оваа сезона во Серија А со што стана најефикасниот Англичанец во ерата од кога се сметаат три бодови.
Неговиот тим, Рома го победи на гостувањето Емполи со 4:2, во меч каде што повторно имаа огромна предност, но, на крајот овојпат не пропуштија бодови.
Римјаните набрзина во првиот дел дадоа четири гола и тоа преку Абрахам (24′), Џјанлука Манчини (33′), Серџио Оливира (35′) и Николо Занонио (37′).
Но, домаќините не се откажаа и преку Андреа Пинамонти во 55-та минута и Недим Бајрами во 72-та се вратија во „живот“. Емполи имаше уште неколку добри шанси за целосно да се врати во игра, но, до такво нешто не дојде.
Рома, со овој триумф сега има 38 бода и е на делба на шестотто место.
9 – Tammy Abraham has now scored nine goals for AS Roma in Serie A this season; the most by an English player in a single season in the competition in the three points per win era. Lion.#SerieA #EmpoliRoma pic.twitter.com/rAZpFnTaZw
— OptaPaolo 🏆 (@OptaPaolo) January 23, 2022
