Аријан Адеми ги надмина проблемите со тахикардијата, за среќа не е ништо сериозно и тој ќе конкурира за место во првиот состав за утрешниот меч против Гибралтар во Лигата на Нации.
„Адеми се чувствува подобро, проблемите се надминати и ќе биде во конкуренција за настап на мечот против Гибралтар“, изјави селекторот Игор Ангеловски.
Адеми непосредно пред мечот со Лихтенштајн во Вадуз што го добивме со 2:0 имал проблеми со срцето, го мачела тахикардија и несоница, па беше изоставен од составот.
Сега се е в ред и Адеми ќе може да игра утре од 20,45 часот на националната арена во Скопје.
