Аријан Адеми се врати на терен по повредата, одигра како резерва од 64. минута за Динамо Загреб, во еден од највозбудливите мечеви досега сезонава во ХНЛ.
Динамо победи со 5:3 против Интер Запрешиќ во меч со многу пресврти. Домаќините водеа со 1:0, потоа предноста на двапати беше на страна на Интер, со 1:2 и 2:3, но сепак фаворитот славеше.
Адеми отсуствуваше неколку седмици поради повреда на бутниот мускул, но се врати на теренот и ако се биде в ред ќе може да игра и за нашата репрезентација во продолжението од натпреварите во Лигата на Нации.
Играчот за врска ги пропушти првите два меча на Македонија, против Гибралтар и Ерменија, а можно е да игра против Лихтенштајн во Скопје на 13. октомври.
