Аријан Адеми има шанса да биде првиот капитен на Динамо Загреб што ќе ги предводи популарните „модри“ кон успешно европско презимување по цели 48 години.
Со победа во четврток против Спартак Трнава, Динамо ќе си обезбеди пласман во следниот круг натпревари во Лигата на Европа. Динамо пред две седмици славеше во Трнава со 2-1 и има максимален учинок од 9 бодови по три кола. И не успеал да ја мине зимата во европските купови од 1970 година, кога се играше во поинаков формат.
„Ако победиме, тоа ќе биде круна на мојата фудбалска кариера. Едвај чекаме да дојде четврток, а за мене чекањето е најтешко. Сите прашуваат како не сме успеале од 1970 година да презимиме во Европа, но сега тоа не е важно. Само да се фокусираме кон следниот меч и да го победиме Спартак уште еднаш. Тоа сега е најважно“, вели Адеми.
Зад Динамо, на второто место со 4 бода е Фенербахче, за кого игра Елиф Елмас, па можно е двајцата наши репрезентативци во тандем да се пласираат со своите екипи во следната фаза во ЛЕ.
