Македонскиот репрезентативец Аријан Адеми со својот Динамо Загреб вечерва го освои Суперкупот на Хрватска. ВО мечот кој се одигра на „Максимир“ во Загреб, Динамо минимално со 1:0 ја победи Ријека. Ова беше за прв пат по пауза од пет години да се игра Суперкуп дуел во Хрватска.
Амер Гојак во 41 минута беше стрелец на единствениот гол, доволен за трофеј во витрините на Динамо. Адеми беше вистински предводник на Динамо и ги одигра сите 90 минути, додека на спротивната страна во тимот на Ријека го немаше Дарко Велковски.
