Кошаркарите на Милвоки го победија Далас на гости со 117-132, во натпревар во кој Јанис Адетокумбо забележа 29 поени и имаше по девет скокови и асистенции.
Блескава вечер имаше и Квинси Грајмс, кој уфрли дури 44 поени во триумфот на Филаделфија над Голден Стејт со 126-119.
Детроит продолжи со одлични игри и убедливо го совлада Бруклин со 115-94, а Вашингтон на гости го доби Шарлот со 100-113.
Визардс славеа благодарение на дури осум кошаркари кои постигнаа двоцифрен број поени, а најмногу, по 17, уфрлија Крис Мидлтон и Билал Кулибали.
Во редовите на Шарлот, најдобар беше Марк Вилијамс со 24 поени и 12 скокови.
Резултати: Шарлот – Вашингтон 100-113, Детроит – Бруклин 115-94, Хјустон – Сакраменто 103-113, Мемфис – Сан Антонио 128-130, Филаделфија – Голден Стејт 126-119, Далас – Милвоки 117-132.
