Манчестер сити славеше над Арсенал со сигурни 3-1 во дербито на 25-тото коло во Премиер лигата. „Граѓаните“ се опоравија од шокантниот пораз од Њукасл со 2-1 во претходното коло, па гневот го истурија врз „топчиите“.
Домаќините се радуваа на погодок уште на стартот од средбата, Агуеро ја затресе мрежата на Лено по само 40 секунди игра. Арсенал успеа да се врати во игра веќе во следните десетина минути, Кошчелни израмни на 1-1.
Сепак, пред полувремето аргентинскиот голгетер одново се запиша во листата на стрелци. Агуеро во 61-та минута го запиша 10-от хет-трик во својата премиерлигашка кариера, што значи дека само Алан Ширер има повеќе хет-трикови од него (11).
Во исчекување на утрешниот дуел помеѓу Вест Хем и Ливерпул, Сити засега ќе има само два бода негатива во однос на лидерот на табелата, додека Арсенал со шестиот овосезонски пораз се најде на шестото место со 47 бода.
https://www.dailymotion.com/video/x71rr7j
