Фудбалскиот клуб Ајакс е непресушен извор на таленти, а најнов доказ за тоа е и куриозитетот дека овој клуб од Амстердам се наоѓа на првото место на табелата и во првата и во втората холандска лига.
Заминувањата на ѕвездите Де Јонг и Де Лихт значеше послаби резултати во Лигата на шампионите, но на домашна сцена и понатаму се најдобри. Покрај тоа што првиот тим е лидер, и младиот состав на Ајакс (Јонг Ајакс), кој настапува во втората лига, е прв на табелата. Во првиот тим има многу важни играчи кои се од клупската школа и не треба да се грижат за иднината бидејќи Јонг Ајакс има суперталенти.
Првиот тим, предводен од Ван де Бек, Тадиќ и Зијеш, води во Ередивизие со шест бода предност пред АЗ Алкмар, додека Јонг Ајакс е прв во Ерсте дивизие со бод плус во однос на вториот Камбур. Во Ајакс многу вложуваат во младите категории и целта им е да не чекаат играчите да наполнат 21 или 22 години за да се најдат во првиот тим, туку уште на 16 или 17 да ги вклучат меѓу сениорите.
