Шпекулациите дека Барселона би се обидела да го купи напаѓачот Лаутаро Мартинес, кој во репрезентацијата на Аргентина на Копа Америка имаше добра соработика со Лионел Меси, ги олади агентот на Лаутаро, Бето Јаке.
Јаке вели дека Лаутаро сигурно останува член на Интер, а Меси ако сака да игра со него во ист клуб, слободно може да дојде кај „нераѕурите“.
Мартинес лани потпиша за Интер од Расинг клуб. Во прво време му беше резерва на сонародникот Мауро Икарди, а потоа стана прва опција во шпицот. Лаутаро даде 6 гола на 27 настапи, а 13 пати беше стартер во Серија А.
„Лаутаро останува во Интер и одвај чека да работи со новиот тренер Конте. Задоволни сме што најдобриот фудбалер на светот го фали, Лаутаро е среќен од тие комплименти на Меси, но мисли само на Интер. Среќен е во Интер, во клубот дефинитивно сметаат на него. Ако е вистина дека имало интерес од Барселона, јас не знам дека имало официјален контакт. Лаутаро останува во Интер, а Меси ако сака да игра со него, нека дојде во Интер“ – изјави менаџерот на Мартинес.
