Летните олимписки игри во Токио кои требаше да се одржат во 2020 година, веќе се одложени за 2021 година, а ако пандемијата на корона-вирусот не се стави под контрола до следното лето, Игрите ќе бидат дефинитивно откажани, предупредуваат организаторите.
Јоширо Мори, кој е претседател на организацискиот комитет, вели дека веќе нема простор за ново одложување. Јапонците потрошија околу 13 милијарди евра за организација и не сакаат да се откажат ЛОИ, но ако дојде до ново одложување, ќе мора да се направи тој непопуларен чекор, што би бил катастрофален.
Еден од условите да се одржат е да се изврши вакцинација на сите. Ако нема вакцина против корона-вирусот до почетокот на ЛОИ 2021, Игрите веројатно ќе се откажат. Досега ЛОИ биле откажувани само поради светски војни, во 1916, 1940 и 1944 година.
