Ал Ахли ќе игра против Реал Мадрид во полуфиналето на Светскиот клупски куп што го организира ФИФА, а Ал Хилал ќе се обиде да го изненади бразилски Фламенго за прво финале во нивната историја.
Египетскиот гигант доби неочекуван подарок од ФИФА и како вицешампион на Африка, благодарение на првакот Видад Казабланка доби право за настап на купот, поради тоа што Мароко е домаќин на турнирот.
И Ал Ахли успеа да го искористи, најпрво со победа од 3:0 во првото коло протов Оукленд сити од Нов Зеланд и денеска со триумф од 1:0 против Сиетл саундерс од САД.
Мохамед Морси, со прекарот Афша беше стрелец на победничкиот гол за Ал Ахли за полуфинале против Реал Мадрид.
MOHAMED MAGDY AFSHA WEL QADIA MOMKEEEEN REAL MADRID WE ARE COMIN’ ! 🤯🚀
Seattle Sounders 0-1 Al Ahly#FIFAClubWorldCup #ClubWC https://t.co/lr8GuIQ1U7
— Onze Masr 🇪🇬 (@onzemasr) February 4, 2023
Претходно во голема драма, Ал Хилал, кој е претставник на Саудиска Арабија и првак на Азија на пенали беше подобар од домаќинот на турнирот Видад Казабланка и победи со 5:3 на пенали, откако во регуларниот дел и по продолженијата од двапати по 15 минути беше нерешено 1:1.
На 7. февруари тие ќе играат со Фламенго, а следниот ден Реал Мадрид и Ал Ахли ќе бијат битка во второто полуфинале.
Досега ниту еден тим надвор од Европа и Јужна Америка не успеал да го освои пехарот во Супер купот што го организира ФИФА.
