Англискиот фудбалер Џордан Хендерсон и официјално стави потпис на договорот со саудиски Ал-Етифак, клуб чиј член во моментов е и македонскиот репрезентативец Дарко Велковски.
Хендерсон, кој доаѓа од Ливерпул, каде ја носеше и капитенската лента, во Ал-Етифак ќе носи дрес со бројот 10.
Попладнево Ал-Етифак од 17.30 часот во Хрватска игра пријателски меч со Работнички, а на неколку часа пред дуелот, своите редови ги засилија со искусен играч кој доаѓа на барање на тренерот Стивен Џерард, кој е една од најголемите легенди на Ливерпул и едно време играше заедно со Хендерсон.
