Репрезентацијата на Албанија најверојатно ќе биде учесник на Европското првенство во фудбал кое ќе се игра следната година во Германија, каде има доста нивни сонародници и нашиот западен сосед ќе може да смета на силна поддршка од трибините.
На Албанците вечерва им треба бод на гостувањето кај Молдавија, а по првото полувреме водат со 1-0, со голот на Сокол Цикалеши од пенал.
Во албанската репрезентација има двајца фудбалери родени во Македонија кои имаат и играно за македонската селекција во младите категории, тоа се Јасир Асани и Таулант Сефери (порано го имаше презимето Сулејманов).
Инаку, од оваа група во која Албанија е прва на табелата во моментов, битка за втората позиција водат Чешка и Полска кои вечерва играат меѓусебе. Чесите се во предност, бидејќи во последното коло играат дома со Молдавија, а ако вечерва Чешка освои барем бод, Полска уште вечер се простува од настап на ЕП.
