Милан со 1:0 го победи Лацио на „Сан Сиро“ и е нов лидер на табелата во Серија А. Покрај голот што значеше три бода за Росонерите, мечот го одбележа драматичниот финиш.
Во хаотична завршницата, во една ситуација пред голот на Милан, фудбалерите на Лацио бараа пенал. Главниот судија реши да се консултира со ВАР системот, а тогаш остро реагираше тренерот на Милан, Масимилијно Алегри, кој веднаш доби црвен картон.
По прегледување на повторената снимка, арбитарот одлучи дека сепак нема елементи за Лацио да добие пенал и Милан славеше со 1:0. По мечот, исклучениот Алегри објасни зошто доби црвен картон.
„На крајот имаше мал хаос, а на судијата му беше тешко да донесе одлука кога беше повикан од ВАР собата. Тоа беше истиот судија со кого во првото коло загубивме од Кремонезе, па затоа само го прашав: „Зошто секогаш имаме проблеми со тебе?“ Веднаш потоа ме исклучи. Во таков хаос е сосема природно што ќе реагира на овој начин, но сигурно не сакав да го навредам“, изјави Алегри за Скај Спорт Италија.
Со победата над Лацио, Милан се искачи на врвот на табелата со 28 бода.
„Имавме тешкотии на почетокот бидејќи Лацио притискаше многу силно. Додека го одржуваа ова темпо, имавме потешкотии да се организираме во нападот. Мораше да ризикуваме со додавањата, што доведе до изгубени топки, па не го започнавме натпреварот на најдобар начин. Во второто полувреме го забрзавме темпото на игра, додека нашите противници, напротив, малку ослабеа, па покрај голот што го дадовме, имавме и уште неколку други шанси“, додаде Алегри.
