Австралискиот тенисер, Алекс де Минор, се повлече од настапот на Вимблдон поради повреда, па Новак Ѓоковиќ без борба се пласира во полуфиналето. Де Минор има повреда на кукот, вчера не тренираше, а неговата лекарска екипа се обидуваше да го подготви за мечот со србинот кој требаше да се одигра попладнево.
Новак Ѓоковиќ веќе може да се подготвува за полуфиналето, каде за противник ќе го има победникот од дуелот помеѓу италијанецот Лоренцо Мусети и американецот Тејлор Фриц. Второто полуфинале веќе е познато, а ќе играат Данил Медведев и Карлос Алкарас.
