Алекс Овечкин продолжува да го демонстрира својот неверојатен талент и издржливост во светот на хокејот. Со својот 873-ти гол во кариерата, постигнат во победата на Вашингтон капиталс над Нешвил предаторс со 4-1, тој е на прагот да го собори рекордот на Вејн Грецки од 894 голови.
На Овечкин му е потребен уште 21 гол за да го израмни рекордот и 22 за да го надмине, што ја прави оваа сезона потенцијално историска за него.
Овечкин стана само вториот играч во историјата на НХЛ лигата, по Горди Хау, кој успеал да постигне најмалку 20 голови во 20 последователни сезони.
Од своето деби, Овечкин никогаш не постигнал помалку од 24 гола во една сезона, што говори за неговата постојаност и вештина.
Овечкин има постигнато 20 гола на 27 натпревари оваа сезона, што е импресивен ефект, ако се знае дека пропушти повеќе од еден месец поради повреда на левата потколеница. Ако продолжи со вакво темпо, многу е веројатно дека ќе го урне рекордот на Грецки во 2025 година.
