Претседателот на УЕФА, Александар Чеферин, упати писмо со честитка за изборот на Масар Омерагиќ за нов претседател на Фудбалската федерација на Македонија (ФФМ).
Во писмото со честитки, првиот човек на Европската фудбалска aсоцијација го истакнува фактот за направената одлична работа со изборот на Масар Омерагиќ за претседател на ФФМ во годината кога се одбележуваат три децении од членството на ФФМ во УЕФА.
Честитката на Алексадар Чеферин ја објавуваме во целост.
Драг претседателe,
Ве молам прифатете ги моите искрени честитки за изборот за претседател на Фудбалската федерација на Македонија (ФФМ).
Оваа година, 2024, се одбележуваат 30 години од членството на ФФМ во УЕФА, а за тоа време вашата посветена Национална федерација сработи многу во градењето и развојот на фудбалот.
Масар, бидејќи одблизу го знаете притисокот од играњето и менаџирањето со фудбалот на највисоко ниво, верувам дека со сето срце ќе го прифатите потенцијалот на фудбалот во Македонија и ќе продолжите да ги бележите точките за напредок, кои вашата Федерација и вашата држава го заслужуваат.
Ви посакувам сè најдобро во новиот возбудлив претседателски мандат што ви претстои, а вие и вашите најблиски да уживате во прекрасна празнична атомсфера и среќна Нова година.
Со почит,
Александар Чеферин
УЕФА
