Њукасл со ангажманот на германскиот напаѓач Николас Волтемаде си обезбеди врвен центарфор за следната сезона, отворајќи му ја истовремено излезната врата на Александер Исак, кој и онака има желба да си замине од клубот.
Ливерпул понуди 130 милиони евра за шведскиот голгетер, но од Њукасл возвратиле со порака дека понудата треба да биде зголемена.
Црвените се очекува да понудат 150 милиони евра, плус бонуси, сума што конечно ќе стави крај на најголемата трансферна сага во овој летен преоден рок.
Исак и понатаму е цврст во ставот дека сака да игра само за Ливерпул и изгледно е дека трансферот ќе биде реализиран во последните часови од преодниот рок. Тоа истовремено ќе биде и најголемиот трансфер во историјата на Премиер – лигата.
