Ливерпул одлично ја започна сезоната и по само 30-тина минути имаше убедлива предност од 3:0 против Норич. Сепак, доброто расположение на теренот и на трибините беше нарушено пред крајот на првиот дел. Голманот Алисон Бекер во обид да исфрли една топка, се повреди и веднаш побара лекарска помош.
Откако беше јасно дека нема да може да го продолжи мечот, на сите им стана јасно дека се работи за сериозна повреда.
„Алисон почувствувал како нешто да го удрило, а тоа не е добар знак. Очигледно се работи за многу потешка повреда од едно обично истегнување. Уште не знаеме што е точно, но не изгледа добро“, рече веднаш по синоќешниот меч, менаџерот на Ливерпул, Јирген Клоп.
На социјалните мрежи со своја објава се појави и самиот Алисон, кој покаѓа оптимизам.
„Ви благодарам на сите за поддршката.Ќе се вратам што е можно побрзо и посилен од било кога“, напиша бразилскиот голман.
https://twitter.com/Alissonbecker/status/1159972919063265280
