Ракометарите на Алкалоид се пред елиминација од Европската лига, откако го загубија првиот меч со 37-27, на гостински терен против Хановер. Избраниците на Кирил Лазаров ќе имаат навистина голем предизвик пред себе на реваншот, но разликата од првиот натпревар и квалитетот на пративникот може да значат крај на европската авантура уште на почетокот на септември.
Нашиот претставник само двапати имаше водство, со 0-1 и 8-9, а петпати беше нерешено. Германците во втората половина од првото полувреме со неколку мини-серии направија предност и од +5, а на паузата се замина со 19-15 за Хановер.
Второто полувреме беше далеку полошо за Алкалоид, бидејќи предноста на домашниот состав постојано се зголемуваше, а на крајот дојде и до највисоките +10, 37-27, што беше и конечниот резултат.
Реваншот се игра следната сабота во Скопје.
