Карлос Алкарас минатиот викенд вторпат по ред го освои Вимблдон. Во финалето, 21-годишниот Шпанец го победи Новак Ѓоковиќ и дојде до својот вкупно четврти освоен грендслем трофеј. Набрзо по освојувањето на Вимблдон, Алкараз даде интервју за официјалната страница на АТП.
Мораше да одговори и на „вечното“ прашање, кој е најголемиот тенисер на сите времиња.
„Кога зборуваме за бројки, Новак Ѓоковиќ, тука нема сомнеж. Но, другите двајца, Федерер и Рафа, за мене исто така се на врвот“, одговори младиот Шпанец.
Што се однесува до другите теми, Алкарас вели дека најдуховитиот тенисер е Франсис Тијафо, најголем провокатор е Холгер Руне, дека Алекс Де Минаур е најпотценетиот играч. Го пофали и Гркот Стефанос Циципас за кого смета дека има најдобар форхенд.
Carlos Alcaraz answering questions very honestly
— The Tennis Letter (@TheTennisLetter) July 19, 2024
Biggest trash talker:
“Rune. Sorry but it’s what I thought”😂
Who’s the GOAT:
“As far as numbers Djokovic without a doubt. The other 2 Federer & Rafa, for me they’re tops”
(via @atptour & @ohnosharky)
pic.twitter.com/D2z84YWAAj
