Најдобриот светски тенисер, Карлос Алкарас, се пласира во финалето на АТП 500 турнирот во Токио откако попладнево во драматичен меч беше подобар од Каспер Руд со 3-6, 6-3, 6-4.
Загубениот прв сет не го разниша фаворитот, до крајот веќе не загуби ниту еден гејм на свој сервис, а правеше по еден брејк во вториот и третиот сет, што беше доволно за победа. За Карлитос тоа ќе биде десетто финале годинава, а има и рекордни 66 победи во 2025, што му е најуспешна година во кариерата.
Во финалето, кое е закажано за утре, Шпанецот ќе игра со Тејлор Фриц. Американскиот тенисер е последниот што успеал да го победи Алкарас, тоа беше на Лејвер купот на тврда подлога, а и во Токио се игра на тврда подлога.
