Карлос Алкарас и Новак Ѓоковиќ утре од 15 часот ќе играат во финалето на најпрестижниот гренслем-турнир.
Ѓоковиќ игра за петтиот триумф по ред на Вимблдон и вкупно осми во кариерата, додека Алкарас ќе игра во првото вимблдонско финале.
„Сите знаат дека Новак е фаворит, дури и јас. Знам дека е фаворит, триумфира на последните четири изданија на Вимблдон, има 34 победи по ред тука. Ќе се обидам да не мислам на тоа и ќе се однесувам како да е само еден меч, ќе се обидам да ја прикажам најдобрата игра и да најдам начин како да го победам. Новак е вистинска легенда, а јас отсекогаш сум велел дека ако сакаш да бидеш најдобар, тогаш мора да ги победуваш најдобрите. Сакам да го освојам Вимблдон еден ден, но би било специјално ако во финалето го победам Новак“, изјави Алкарас во интервјуто за Евроспорт.
