Шпанскиот тенисер Карлос Алкарас поради повреда го пропушти турнирот во Базел, но синоќа упати порака со која потврдува дека крајот на тениската сезона ќе биде многу интересен. Алкарас објави дека се чувствува добро и дека ќе биде подготвен за следните турнири кои се на распоредот.
„Имам добри вести! Секој ден се чувствувам сè подобро и подобро. Ќе играм на турнирите во Париз и Торино“, беше пораката на Шпанецот, кој додаде дека негова главна мисија е да ја заврши годината на првото место на АТП-листата.
I have good news! 🙌🏻 I am feeling better every day and I will play Paris-Bercy and be in Turin for the ATP Finals! 😍 Excited to finish the year on a high! 💪🏻 pic.twitter.com/RC1pCzr237
— Carlos Alcaraz (@carlosalcaraz) October 25, 2023
На турнирот во Париз, Алкарас ќе брани само 180 поени, додека Ѓоковиќ ќе брани 600 поени, што значи дека Шпанецот ќе има шанса да се доближи до најголемиот ривал на врвот на АТП-листата.
