Карлос Алкарас претрпе шокантен пораз во второто коло од Мастерс турнирот во Синсинати, откако со 2:1 во сетови загуби од Гаел Монфилс. Поразот на Алкарас е уште поневеројатен затоа што младиот Шпанец го доби првиот сет, но искусниот 37-годишен Монфилс не се предаде.
Французинот израмни на 1:1 откако го доби вториот сет во тајбрејк, а потоа во третиот сет успеа да направи брејк за водство од 3:1 во гемови и потоа рутински ја задржа предноста и го доби сетот со 6:4, за изненадувачка победа.
Токми кога Алкарас го загуби својот сервис во третиот сет, младиот Шпанец збесна. Знаејќи дека по тој кикс е многу блиску до пораз, Алкарас целиот свој гнев го насочи кон рекетот со кој играше. Младиот Шпанец почна неконтролирано да го удира рекетот во земја, а дури откако го уништи рекетот, реши повторно да се фокусира на играта.
„Ова е најлошиот меч кој го имам одиграно во кариерата“, категоричен беше Алкарас веднаш по поразот од Монфилс.
Code violation warning for racket abuse for Carlos Alcaraz as he smashes his racket on the floor when Gael Monfils holds for 3-1. Rare to see Carlos this frustrated. pic.twitter.com/dJkAwjyvcN
— edgeAI (@edgeaiofficial) August 16, 2024
