Првиот носител на Вимблдон, Карлос Алкарас, обезбеди пласман во осминафиналето на најпрестижниот тениски турнир откако по голема борба го совлада 28-от тенисер на АТП ранг-листата, Николас Жари од Чиле.
Алкарас за неполни четири часа игра со 6:3;6:7,6:3,7:5 беше подобар од Жари. Шпанецот денеска го загуби првиот сет на Вимблдон и тоа во тај-брејк.
Младиот Шпанец кој е прв на АТП ранг-листата, најслаби резултати има токму на трева, но засега игра одлично на Вимблдон.
Четири сета играше и Данил Медведев и тоа против Унгарецот Мартон Фучович. На крајот Русинот славеше со 4:6,6:3,6:4,6:4.
Сигурен настап имаше Стефанос Циципас, кој по маратонот во пет меча со Енди Мареј, сега во третото коло славеше во три сета и тоа со 6:4,7:6,6:4 против Ласло Ѓере од Србија.
