Шпанскиот тенисер Карлос Алкарас на доминантен начин се пласира во второто коло на Отвореното првенство на Австралија откако убедливо со 3:0 во сетови го победи Ришар Гаске.
Алкарас е главен фаворит да го симне Новак Ѓоковиќ од тронот во Мелбурн, а денеска помина малку повеќе од два часа и со 7:6, 6:1, 6:2 беше подобар од искусниот 37-годишен Гаске, кој е само еден од четворицата активни играчи коишто имаат над 600 победи во кариерата. Интересно е дека Алкарас во финишот се намачи за последниот поен и ја искористи дури петата меч-топка.
Првото коло без проблеми го поминаа и останатите фаворити Руд, Димитров, Руне, Зверев… Од утре продолжуваат дуелите од второто коло.
