Карлос Алкарас продолжи да реди победи без загубен сет на Мастерсот во Индијан Велс, каде што има серија од 16 победи едноподруго.
Шпанецот беше подобар од Франсиско Серундоло со 6-3, 7-6 и се најде во полуфиналето, каде што ќе се сретне со Британецот Џек Дрејпер, кому тоа ќе му биде прво полуфинале во кариерата на турнир од Мастерс 1000 серијата. По победата над Серундоло, Алкарас на камерата која го снимаше стави автограм и напиша: „Треба ли да купам куќа тука?“
Другата полуфинална двојка ја сочинуваат Данил Медведев и Холгер Руне. Русинот и Данецот во четвртфиналето загубија по еден сет, а особено беше драматичен мечот на ланскиот финалист Медведев, кој губеше со 2-4 во гејмови во третиот сет и 4-5 во тајбрејкот, но се извлече.
Откако го освои меч-поенот, Медведев бурно славеше, скокаше, па за реакцијата му се извини на својот противник Артур Филс.
A reaction worth a thousand words🕺@DaniilMedwed | #TennisParadise pic.twitter.com/hSAi14zSKE
— BNP Paribas Open (@BNPPARIBASOPEN) March 13, 2025
