Тренерот на Реал Мадрид, Алваро Арбелоа, испрати загонетна, но силна порака на прес-конференцијата пред мечот со Жирона, осврнувајќи се на поплаките што доаѓаат од Барселона.
На директно прашање за контроверзиите, Арбелоа не сакаше да влегува во детали – но јасно стави до знаење дека има свој став.
„Не сакам да навлегувам во тие проценки. Видовме што се случи минатиот викенд и што се случува веќе со недели. Моето мислење е јасно и не отстапувам од него – се темели на тоа што го гледам од недела во недела“, изјави тој.
Кога беше прашан дали судиските критериуми се различни за Реал Мадрид и Барселона во Европа во споредба со Ла Лига – одговорот беше уште помистериозен:
„Сите знаат што мислам за тоа што се случува со години и што продолжува да се случува. Нема да го сменам мислењето.“
