Двoкратниот олимписки финалист на 200 метра, Ерион Најтoн, е суспендиран на четири години поради користење анаболен стероид, што најверојатно го исклучува од Олимписките игри во Лос Анџелес 2028.
Спортскиот арбитражен суд (ЦАС) ја потврди забраната, која започнува денес и ќе трае до почетокот на јули 2028 година, само неколку дена пред отворањето на ЛОИ. Санкцијата следува по жалбите на Светската антидопинг агенција и истражителите по атлетика, кои побараа максимална казна, откако Најтoн минатата година беше оправдан од американски трибунал.
Минатата година Најтoн доби дозвола да настапи на Олимпијадата во Париз откако беше ослободен за позитивен тест за „тренболон“, стероид кој се користи во сточарството. Тогаш Американската антидопинг агенција го оправда со образложение дека конзумирал заразено месо.
Во Париз, Најтон заврши на четвртото место на 200 метри, а ЦАС нагласува дека тој не е дисквалификуван од тоа натпреварување. Американецот нема да настапи на 200 метри на Светското првенство во Токио, кое започнува оваа сабота. Најтон има и сребрен и бронзен медал на 200 метри од последните два светски шампионати.
